حوار الوداع بين حبيبه وحبيبها

ابدعت الشاعرة صدى الحرمان في تصوير لحظات الوداع بين حبيب مسافر لطلب الرزق وحبيبة تبكي لحظات الودع :


هي : يعني نويت السفر بتوادع احبابك ******* يعني بدت رحلة الغربة بوجداني
يعني بتم انتظر وآضيع بغيابك ****** يعني من اليوم بفقد نصي الثاني

هو : حبيبتي والله اني حاسب احسابك ******ودموع عينك تشب النار باشجاني
غصبٍ علي هالسفر مجبور باسبابك ******قولي لكل العواذل راح من شاني

هي: حبيب قلبي احبك موت واحيا بك ******وابغاك في كل حالاتك وتبغاني
مبغى فلوس وذهب ابغاك بثيابك****** دامك معي اتحدا الكون بايماني


هو : عهدٍ علي لزرع اجمل ورد بترابك****** وأني لأرويك من دمي بشرياني
تستاهلين العمر والعمر يزهابك ******حلفت لاسعدك كان الله احياني

هي : قول وفعل يابعد عمري انا ادرى بك ******واعرف ظروفك ولكن قلبي آذاني
ارجوك تعذر غلاي آليا تمادابك ******حاولت اخفي دموعي بس ممداني

هو : من شان هذا الغلا ومن شان اهدابك ****** ومن شان عينك بسافر بك لعنواني
بس اطلبي لي انا واقف على بابك ******وقولي احبك ويكفي منك ما جاني

هي : مليون احبك واحبك حيل واشقابك ××××××رح في طريقك مثل ما كنت تلقاني
الله يردك لقلبي وآتهنابك ****** وما عاد يقدر على توديعك الساني




بصراحه انا حسيت القصيده هذي قريبه النفسه وكانها مكتوبه اللوضع الي اعيشها وحبيت انقلها
لكم

مع خالص حبي وحترامي


المحبه مـــــــــــــــــــــــــاسه