منتديات بنت نجد

بسم الله الرحمن الرحيم



السلام عليكم ورحمة الله وبركاته



يا هلا فيكم يا احلي اعضاء منتدي في العالم منتدي ساندروز حبيت اقولك سالفة بصراحة اعجبتني كثير والله وهي بالواقع تعبر عن ما نعيشه الان من تشتت وضياع للبعض وفقدان هويتنا العربية او بالاحرى نسيان عاداتنا وتقاليدنا و البعض لما تشوفه ما تعرفه انه عربي الا لما يتحدث !!!!

هذا قصة واحد قروي (( بدو )) من زمان ما زار الرياض (( عاصمة السعودية )) وفجاة كان عنده شغل بالرياض الرجال هذا راح للرياض يوم الثلاثاء ليخلص مراجعته واعدوه

يوم السبت صاحبنا هذا قرر انه يقعد بالرياض هاليومين يبي يشتري ويشوف ويدوج بالرياض وهو من زمان ما جاها وطبعا

راح لكل الاسواق والمنتجعات والاستراحات تقريبا وما بقي الا اهم معالم مدينة الرياض وهو(( مركز الفيصلية )) قبل لا يروح انصحوه اصدقاءه بعد الذهاب المهم

لانه يبي يشوف شئ غريب ودخيل علي مجتمعنا المهم

راح هناك راي عالم اخر ومثل ما يقول مو مصدق انه بالسعودية وقال قصيدة حلوة وفيها من الحقائق الكثير وهي طبعا هي قصيدة نبطية

يعني مقيولة بالكلام العامي ياليت تقرأوون وش قال :









اللقافة حولتني تحت برج الفيصلية *** ويعلم الله يوم جيته ما احسبني بالرياضي

شفت شئ ما توقعته ولا يطري عليه *** وما تخيلته ولا تصورته حاضر وماضي

اثر معهم حق ربع شارحين الوضع ليّه ***وكنت اكذبهم واقول الهرج هذا هرج فاضي

شفتلي شعب متأثر بالشعوب الاجنبية *** المذاهب والمواهب والعلو والانخفاضي

والولد والبنت ما تفرق هذا عن شكل ذيّه *** باللباس وبالمقاس وبالحمّار وبالبياضي

والوضع ماهو طبيعي والعرب ماهي طريه ***والعلاقة والصداقة بالتفاهم والتراضي

قلت يمكن فيه هيئه واثر ما بسوق هيئه *** في هذاك السوق مطلوب التسامح والتغاضي

المهم اني وقفت ووقفتي عن حسن نيه *** اتفرج في البشر مالي علي الامر اعتراضي

ومرني واحد وانا واقف وكنه شك فيّه *** واحد تيخ حمر مليان وكتوفه اعراضي

قال وش عندك هنا قلتله وش عندي هنيّه!! *** جيت ابشترلي مقاضي ما قدرت اشري مقاضي

ردني عنها غلا الاسعار وفلوسي شويّه *** وكل طفران مهدد عندكم بالانقراضي

قال ما كنك ببرج الفيصليه بالعليه *** لا بسلك ثوب وشماغ بدو والجيب فاضي

في العليا كل شئ له مزايا عالمية *** والغلا بالسوق واسعار العماير والاراضي

قلت ياقوم العليه ذمتي منكم بريه *** واهني من حطكم بالقيظ بهذيك الفياضي

الفياض اللي تحيط بها الخلي الاصرميه *** فوقكم عج وسموم وتحتكم شوك ورماظي

*** وسلامتكم ***

---

rwd]i td hgtdwgdi>>>>> hgtdwgdi rwd]i

يعطيك الف عااااااااااااافية خيتووو داانة على موضوعك الرااائع

ولكن خيتوو تراا العاالم مكبرين الساالفة شووي في برجي بالفيصلية والمملكة

وأناا جيتهااا يعني صح الوضع شوي مختلف بس مثل ماوصفها الشااعر

عمومااا مشكوورة خيتووو


ننتظر جديدك


مع التحيــــــــــــــــــة

يعطيك الف الف عافية اختي

دانة الخبر

على القصيده الرائعة

والله يهدي شباب المسلمين اجمعين

لكن اختي

في خطأ في بداية الموضوع

واتمنى تراجعيه

وشاكر لك

هاالنقل الممتاز

مع التحية

يعطيك العافيه اختي دانه الخبر على الموضوع الرائع والجميل

ننتظر جديدك

مع التحيه

مازن