ياشين فرقى اللذي تغليه وتوده :: لاصار حيي ولاتقدر على جيه

رومـــانـــس · 28-05-2008, 09:54 PM

ياطول صبري عليه ومطول مدّه
والنفس مابين مأمورة ومنهية

الحب والشوق والضيقات والصدة
حطت على وجهي المغبون ماريّه

احدٍ زها له سواد الخال في خده
واحدٍ بخده من هموم الدهر كيه

يقفي به الشك صوب اللوم ويرده
واذا رجع مالقى الا رسمة ثاريّة

وتزيد به ضيقة العشاق وتهده
يبكي على حاجة ماهي بمبكية

يزل واقول يمكن ماهو بوده
غلطة ويمكن على ماقيل عفوية

حتى ولو قالها قاصد ومن جده
يشفع لحاضر غرامه زين ماضيه

اعشقه واشتاق له اهواه واوده
ومن الغلا نسبة المليون فالمية

ألد عيني لكن ماهيب منلده
هو اول الحب في عيني وتاليه

غر قلبي على النسيان واحده
لاشك عيا من النسيان موليه

عزي لحالٍ على فرقاه منحده
وعزي لقلب الا من حل طاريه

يتوق توق الوحش في كف من هده
لاطار مالد عيني صوب راعيه

ياشين فرقى اللذي تغليه وتوده
لاصار حيي ولاتقدر على جيه

جعل ربي يصبري على الشدة
لين مايجتمع غالي وغاليّه

لو طال صبري عليه وطالت المدة
ياحيي شوفه قبل لااموت ياحييه

منقول

حلا الكون · 29-05-2008, 01:04 AM

اللــه الله عليـــك
((رومـــانس))
صـح أحساسك ولسانكـ
أهنيك ع ذائقتـك الراقيه
يسلمو يالغالي

رومـــانـــس · 29-05-2008, 07:00 AM

الله يسلمك يالغلا ومشكوره على اطراءك ومرورك العطر

لاخلى ولاعدم

ماجد الشمري · 29-05-2008, 07:18 AM

رومانس
ابيات في قمة الجمال
كلمات في اجمل معاني
يعطيك العافيه ع النقل المميز
لاهنت

رومـــانـــس · 29-05-2008, 02:30 PM

منور ماجد بمرورك ماننحرم منك يالغلا

¶جريح¶¶الروح¶ · 29-05-2008, 03:54 PM

قصيــده رائعــه كروعــة صاحبها ..

سلمت يداك رومانس

رائع انت بختيارك ..

فقط حضرنا للاستمتاع . ومن حقنّأ

ان نستمتع ونملــي نواظرنا بما نقلت

بحــق قصيــده ذات جرس موسيقي متناغم .

لاهنت عزيزي.

رومـــانـــس · 29-05-2008, 10:00 PM

تسلم يالغالى ع مرورك وردك الذووووق

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مواقع صديقه
منتدى العاب	العاب	عالم الماسنجر	منتدى ترافيان

ياشين فرقى اللذي تغليه وتوده :: لاصار حيي ولاتقدر على جيه

حَرفُ القِصَيد