ياصباحات / مساءات ..
النشاط والتفاؤل والنجاح ... 
أسعد الله أيامكم بالتفوق والنجاح والتميز ..
إن شاء الله غداً راح تبدأ امتحانات المدراس ربي يوفق الجميع ..
وأغلب الكليات والجامعات بدأوا من فترة ..يارب يسهل ..
فحبيت أسلم عليكم قبل الزحمة ..
وقبل الحوسة والقلق ..
وأبارك لكم بالنجاح والتفوق مقدماً ..
وقلت اعطيكم بعض النصائح اللي تساعدكم في الامتحانات
وانتم شاركوا بنصائحكم .. أساليبكم ..تجاربكم ..الناجحة والفاشلة ..
وارفعوا شعار الهمة والنشاط من ألحين ..
لا تقولون ما نقدر نتميز أو نتفوق .. بالعكس كلنا قادرين على التميز والتفوق ..
أغلبنا أو كلنا يوم كنا صغار نعرف قصة السلحفاة والأرنب ..
فاكرينها ؟!!
واللي ما يعرفها .. يمكن قد شفتوها في باقز باني يوم طلب من السلحفاة يتسابق معها ..
للأسف ما لقيت صورة له مع السلحفاة .. بس لقيت له لعبة مع السلحفاة ولا جبتها عشان ما تشغلكم
وتنكر بلبس السلحفاة ، والسلحفاة تنكرت بلبس الأرنب .. عشان يكون فيه عدل في المسابقة ..
وأصدقاء باقز قاموا يساعدون السلحفاة عشان تفوز على بالهم انها باقز ..
وفي النهاية فازت ..وقام يصيح باقز ويقول أنا أرنب .. أنا أرنب ..>>من قايل انه دجاجة ؟!!
مع ان السلحفاة ما كانت تملك شئ من فرص الفوز الى ان مهارتها في التعامل مع الموقف واستفادتها القصوى من
قدراتهـا خلتها تفوز ..
المهم : ان كل شخص قادر على النجاح مادام مصمم لبلوغ الهدف ^__^ ان شاء الله تعالى
نطلع من هالقصة بها المعادلة :
قدرات + مهارات (( استخدام )) = التفوق والنجاح ..
فيه مثلا ناس يقولون احنا ما نقدر نستوعب .. وهذا شئ خاطئ لأن دماغ الانسان العادي وحطوا مليون خط تحتها
خلقه ربي ليستوعب 10^12 مليون كتاب متخيلين كبر الحجم ..!!
عشرة اس 12 مليون ..!! حجم هاااااااااااااااااااااااائل .. سبحان الله الذي خلقه ..والحمدلله على نعمه الظاهرة
والباطنة ..
وعشان نبدأ بتنمية الدماغ ..لازم نغذيه ..
تدرون كيف ؟؟!!
بــ ((السجود)) تقولون كيف ؟!!
السجود مزاياه : 1/ التنفس من أعماق البطن
2/ وصول الدم للدماغ
3/ القرب من الله – سبحانه وتعالى- فيه شئ أعظم من كذا ؟!!
78% من مكونات الدماغ ماء ، واذا توتر الانسان ينقص الماء لذلك ينصح بشرب الماء .. يعني وانتـ/ـي رايحـ/ـة تذاكر/ين اخذ/ـي
لك كأسة موية وكل ما خذتـ/ـي break صغير اشربـ/ـي موية .. بس عاد لا تكثرون ثم يضيع يومكم في W.C
في قاعدة مهمة ورئيسية واللي هي :
التوتر عدو التعلم .. مهما كان الوقت ضيق لا تتوتر/ين لأنك ما راح تستفيد/ين شئ ..
الأغذية المفيدة للدماغ :
السمك – زيت سمك السلمون –الخضار والفواكه الطازجة .. وقريت بعد انو المكسرات مفيدة بس بكميات معتدلة ..
موب تجون بعد الامتحانات متختخين وتقولون الله لا يعطيك عافية تختختينا >> اتحداكم تقولونها خمس مرات
أساسيات للمذاكرة :
1-التركيز ..التركيز أولا واخيرا ..
أهم حاجة في المذاكرة ..بشكل لا يوصف ..
اذا انت ركزت معناتها راح تستوعبـ/ـين وراح تزيد انتاجيتك ..
2-بعض الناس يشتكون من كرههم لمادة معينة ، كيف نقدر نتغلب على هالكره ؟!!
نجيب ورقة ونكتب ايجابيات المادة ،مثلا الـ E اذا تعلمناها معناه راح نقدر نتواصل مع العالم الخارجي خصوصا لأنها لغة
العصر , راح اتعلم بواسطتها اشياء كثيرة لأن الدنيا كلها انجليزي ..رحتـ/ـي لمحل قام كلمك انجليزي .. رحتـ/ـي مطعم
كلمك انجليزي ، بتشتريــن بلوزة كلمك برضو انجليزي ..
وبعدين تدرسون شئ انتم حابينه وتذاكرونه أحسن من تدرسون شئ من ورى خشومكم سيكو
3-أوحوا لأنفسكم برسائل ايجابية مثل : أنا ناجح ، متفوق ..
4-فكروا بشكل ايجابي في مقولة لتوني بوزان اذا كنتم تعرفونه او قريتوا له شئ ،بالمناسبة هالشخص انسان رائع ..
المهم ما علينا .. يقول :[ إننا حينما نفكر ايجابياً فإننا نبرمج عقلنا لينفذ ايجابياً ]..
5-تنظيم الوقت ووضع الأولويات ..
ضعوا وقت للمذاكرة و وقت للمراجعة طبعا كل شخص يعرف الوقت اللي يناسبه ، في بعضهم يحبون يذاكرون الفجر ،
في بعضهم بالليل وهكذا ..
6-القيلولة : طبعا القيلولة تأخذون لكم نومة من 10-40 دقيقة قبل العصر هذا شرط اساسي ,فائدتها تزيد النشاط
الذهني 35% ، وفي حديث على ما اظن عن القيلولة ..أو ان الرسول كان يقيل ..
7-استخدموا القلم الفسفوري وضعوا خطوط تحت الاشياء المهمة أو دائرة ..
8-اكتبوا ملخصات وهذي من النقاط المهمة للمذاكرة .
9-المراجعة وتوقع الاسئلة ، مثلا هالنقطة ركز/ت عليها الاستاذ/ة وهكذا ..
10-النوم الكافي .
11- تلاوة جزء معين من القرآن قبل المذاكرة ينشط خلايا المخ .
12- الدعاء وطلب التوفيق من الله ، والصلاة في جوف الليل .
ارشادات قبل ليلة الاختبار :
1-لا تفرط في المذاكرة
2-قلل من المنبهات
3-نم مبكرا لتثبيت المعلومات
4-تناول الافطار
ارشادات في قاعة الامتحان :
1-كن هادئا ومسترخيا .. موب عاد تنامون ..
2-احرصوا على الوصول باكرا حتى تقللون من التوتر.
3-قبل كل شئ حسن الظن بالله .
4-ذكر الله
5-التنفس العميييييييييق يساعد على الاسترخاء ..
ارشادات للتعامل مع الاسئلة :
1-اقرؤا الاسئلة كاملة ..
2- دونوا معلومات وبداية الاجابات والنقاط المهمة للحل ، لأنو احيانا لما تقرون السؤال تذكرون الحل بس ترجعون عشان
تحلونه يصير المخ فاضي ..
3-ابدؤا بحل الأسئلة السهلة وبكل ثقة .
بعد الامتحان :
لا تفكرون في الامتحان السابق وابدؤا في الاستعداد للامتحان الجديد ..وحضروا نفسكم ذهنيا ونفسيا ..
وحاجة اخيره :
لا تنسون والديكم ودعواتهم لكم ..لها اثر عجيب ..
بالتوفيق للجميع ومبروك مقدما لطلابنا وطالباتنا
منقول للفائده
~~ اللي عنده اختبار يجي بسررررعة ~~ نصائح هامة
