احب اشوف ارائكم اعزائي بهذه المشاهد الي تمثل اغلب الشباب
وتعاملهم مع اهلهم واخواتهم (الله يعين الي عندها اخو كذا)
المشهد الاول:
البنت : راكان ممكن تتكرم وتوديني السوق ؟
راكان: يوووووووووه فاضي لك ..مشغوووول.. >> يضغط
عالكلمه ...
(يدق جوال راكان) هلاااااااااااا والله بابو حميد...
وينك يارجال.عاش من سمع هالصوت.
وشلون ..تبي تشوفني الحين ؟؟ ..ابشر ..لا ..يارجال لا مشغول ولا شي
>> شف النذاله وهو توه يقولي اني مشغول
/
المشهد الثاني:
البنت :عبدالله .. توديني للسوق ,,
عبدالله: والله اني مشغوول ..روحي قولي لاخوانك
<< وانت وشو؟ولد الجيران مثلا!!
/
\
المشهد الثالث :
راحت البنت لأخوها مشعل
البنت: شعولي ..يا بعد هالدنيا ..وش رايك نروح للسوق..منها نتمشى ومنها انا نغير جو..
<< أقوله كذا.عشانه رومنسي.
مشعل:اممممم ..والله فكرة ..
حتى انا مليت من طلعات الشباب.. يله .. روحي البسي عبايتك ..
البنت تقول :صدق؟؟
<< كنه بيوديها الجنه
وعند الباب.دق جوال مشعل هلابك...انت عند الباب؟؟...
حياك الله...يله ..دقيقه وافتحلك..
مشعل: يووووووووه معليش ..مواعد واحد من الشباب..
يله بسرعه ادخلي البيت .. وسويلي القهوه ..
والآن مارأيكم بهذه المشاهد ؟؟؟!!!!
تعامل الأخ مع اخته في مجتمعنا ..كيف تقيمونه..؟؟؟
هل انت راضي عن تعاملك مع خواتك ؟؟
وانتي أيضاً راضيه عن تعامل اخوك معك؟؟؟
هل تعطي اخواتك حقهم من وقتك وتجلس تدردش معهم ولا لا؟؟
انتي كأخت وانت كأخ..
هل لديك احد من اخوانك قريب لقلبك اكثر من غيره..والا كلهم
سوا؟؟
هذه المشاهد من حياتنا اليومية تقع في كثير من البيوت وأنا والله
أعرف أُناس وقريبين منا شخصياً ماشاء الله تبارك الله عندهم من
الأولاد الكُثر ولكن لايأبهون بطلبات أخواتهم ولا حتى الأهم من
الأخوات وهي(( الأم )) يتركون تلك الطالبات
للسائق الخاص بهم ...
وأنا اتمنى الكل يجاوب بصرااحه ..
لعلي بهذا الموضوع أساهم في تغير طباع بعض الأشخاص الذين
يقومون بتلك التصرفات وأرجو أن لايكون أحد منهم هنا ..
ابغى كل واحد يعطيني رأيه ... وبصراحه يا كثر ما تصير لنا هالمواقف .... انا عن نفسي مره من المرات
بس شوي نتخيل
