هذه الرسالة تفيد بأنك غير مشترك في منتدانا. للتسجيل الرجاء اضغط هنـا
هذه الرسالة تفيد بأنك غير مشترك في منتدانا. للتسجيل الرجاء اضغط هنـا
 |
15-08-2008, 03:01 AM
|
رقم المشاركة : 1 |
|
.. عضو فعال ..
 
|
أحبها يا ناااس
سميه:ايمان ايمااااان قومي احسن لج قبل لا اييج مطر ويسويج سالفه
ايمان بكسل:روحي عني لاه اونها تخوفني بمطر أهلين .. ارحبكم في بيتنا اسمي ايمان وتوني تخرجت من ثانويه عامه بالنسبه ممممم تفشل على قولة الاهل اخبركم بخبركم شو يعني نسبتي 55 وتخصصي ادبي ..فشيله صح؟.. ها ما يهمني لاني تعمدت اييب هالنسبه عشان ما يدخلوني غصب الجامعه وتبون الصدق الكل استغرب من نسبتي لانهم يعرفون اني ذكيه احم احم بس شو اسوي احسن اني ما اتحمل الكتب رغم انه هوايتي القراءه لكني ما اقدر اضيع اكثر بعد ما استهلكت 12 سنة من حياتي في دراسه خلاص اكتفيت.. هذا نبذه عن نفسي ..نطلق لسميه سميه:يعني ما بتقومين ايمان:اذا ما طلعتي بتشوفين شيء ما شفتي كعادتها سميه خافت من تهديدي وطلعت .. سميه اصغر عني بسنه تخاف علي وايد على قولتها انه افكاري خطيره ومختلفه هذا لاني عكسها تماما فهي خوافه وما تحب تجازف بشيء تحبني وايد وتحاول تبعدني عن مشاكل قد ما تقدر اخبركم سميه محبوبه البيت لانها مثل ما قلت ليكم بنت هاديه وتقريبا تعرف اغلب اشغال البيت عليها جمال ماشاءالله عكسي انا فأنا طالعه على ابوي وفيني جمال بسيط مثل ما يقولون هذي سميه..نرجع لغرفتي طرباااااااااخ لا تخافون هذا اخوي مطر الملقب بوحش الكاسر يوم يضرب على الباب مطر:انتي ما تشبعين رقاد انا كم مره قايل لج لا تسهرين افضل اكون ساكته يوم يرمس..لا مو خوفا منه.. خوفا من ان يغير خريطه ويهي اذا رديت على كلامه واانا مافيني الصراحه ما اتحمل الضرب وااااي رقيقه الاخت ..خخخخخ..بس بس نرجع للوحش الكاسر مطر:ايمان هاي آخر مره اشوفج توعين متأخره يالله قومي ايمان بكسل:زين زين بس انته هدى أعصابك طربااااااااخ بعد لا تخافون هذا هو يوم يسكر الباب..قمت من مكاني وخذيت لي فوطه هيه صح قبل لا اروح اتغسل خلوني اخبركم عن الوحش أوه قصدي مطر .. الله يسلمكم هذا ما ادري طالع على منو لاني مااذكر حد من اهلنا مثله واحياننا احس انه ابوي حتى يخاف منه لانه عصبي بشكل مخيف واغلب الاوقات يحب يكون ساكت و طلبات الزعيم مستجاب..امي تقول مطر يوم كان في بطنها كانت تحب تاكل فلفل واي شيء حار ويمكن هالسبب مولع دوووم مثل الفلفل على فكره هو اكبر واحد فينا يا اخي لو انولدت قبله كان طلعت حرتي فيه المهم عمره 25 سنه وطبعا مو متزوج اصلا ما ادري منو هاي اللي بتوافق عليه رغم وسامته كان ودي اكمل ليكم لكن مجبوره اتغسل واخلص قبل لا يحطون غدى ولا مطر بيطبخني تسبحت على سريع يمكن اسرع من سوبر مان بعده نزلت تحت لقيت العائلة يالسه على طاوله وبعدهم ما بدأو ركضت بسرعه وقعدت حذال مومي اللي يوم شافتني بدات تنصحني فوزيه هذا اسمها:لازم تخلين يصرخ عليج بصوت خفيف رديت عليها:اصلا الفلفل لاعب الدور في هرموناته بصراحه ما قدرت امسك نفسي ضحكت وجان تضربني امي عشان اسكت آخ عورني الصراحه فوزيه يقولون انها يوم كانت شباب تشبه سميه .. امي طيبه وحنونه لكنها ما تقدر تقول شيء لمطر اصلا هذا حال هالبيت ليش نأجل خلوني اخبركم عن ابوي اسمه صالح ابوي انسان مسالم ويقولون انه تصرفاتي نفس ابوي ايام سنة المراهقه حتى احياننا ابوي يشجعني لانه يقول اني اذكره بالماضي لكن يوم اطيح في مشاكل يخليني اواجه مطر لحالي نحن اصلا من الفجيره وألحين نسكن في دبي يوم ابوي ورث من ابوه ترك كل شيء هناك واشترى لينا بيت بو طابقين في دبي بعده تقاعد واخوي مطر هو اللي اصر على ابوي نتقل الى دبي عشان يكون من رجال اعمال المهمين ونجح الحمدلله هذا هم افراد عائلتي وان شاءالله عرفتوني وعرفتوهم..والحين خلوني أكمل الاكل لانه الوحش قاعد معانا ومضطره ارمس بصوت واطي:اشوفكم بعدين وألحين روحو لقسم ثاني من القصه إلى اللقـ ــ ــاء القسم ثاني من القصه ممممم اي لون ألبس .. اها قميص كت بلون احمر وفوقه جاكيت اسود وبنطلون اسود بعد جوتي بلون أحمر .. اها تمااام أصد يمين ويسار اطالع نفسي على المنظره لحيتي على خفيفه ومرتب .. جسمي رياضي يا سلام هالقميص الاحمر طالع علي فن.. وبعد هيه عمري 18 متخرج من ثانويه لكني شكلي برد ليهم مره ثانيه اكيد فهمتوا ليش..ما فهمتوا لازم افشل نفسي يعني خلاص عشان عينكم لاني رسبت..بس بس بدون احراج والسبب رفقاااء السوء اولهم هذا اللي متصل اسمه حسون صديقي العزيز ما اقدر ارد عليه لاني احس شيء ناسي ما أدري شو؟ فكروا معااااااي...مممممم راني:بابا نواف صديق مال انته يسوي حشره تحت هيه تذكرت ما قلت ليكم اسمي ..اسمي نواف عبيد المهيري ..لازم نشكر بشكارتنا راني ذكرتنا شو نسيت لازم اقولكم لحظه بس خلوني ارد عليها نواف:انزين روحي وقولي له اني بنزل بعد 5 دقايق.. طلعت راني ودي كان اقولها ثانكس لكن احسن لساني ما تعود على هالكلمات ثانكس سوري وما ادري شو.. وألحين بنزل لانه حسون مسوي حشره وحاشر الفريج بتعطر قبل لا انزل ..نزلت وانا ماشيء على دربي اسمع اغنيه الحربي طالع من غرفة اختي سمر دقيت عليها الباب وهاي اشارتي ليها انه لازم تقصر على صوت عن يطلع ليها اخوي سعيد سمر اصغر وحده في البيت وهي السنه اليايه بتدخل اول ثانوي تموووت في شيء اسمه حربي والعامري ما اذكر اني شفت في غرفتها غير شرايط هالفنانين وما اقدر اقولكم اكثر عن اختي لانه عيب ارمس عن اختي من وراها..شفتوا كيف محترم الاخ تعااالوا الساعه كم ألحين كلا منكم أخرتوني..oops نسيت الساعه لازم ارجع لغرفتي خذيت الساعه وألحين لازم اركض لانه حسون عادي يسويها اول ما اطلع يدعمني وانا رايح للبرع اسمع صوت من وراي:نوااااف عرفت من تكون انها مومي نبذه قصيره عنها عن تقولون لوعيتكم امي اسمها عائشه تحبنا بس تحبني اكثر هذا اعتقادي لانها ادافع عني من ابوي ودي اقولكم عنه بس ماشيء وقت هذا انا ألتف للوراء لامي:عويش انا كم مرة قلت لج يوم بطلع لا تناديني من ورا عائشه:صج ما تستحي بروحي مو متفيجه اخرب مزاجي عشانك بس كنت بقولك هذا ربيعك صدعنا وصدع الجيران بهرناته نواف:ترى ألحين انا ساير ليه يالله تأمرين علي بشي عائشه:لا تتاخر لاني ما فيني على صراخ اخوك نواف:ان شاءالله يالله عيل |
|
    
|
| إعلانـات تــجـــاريـــة |
|
15-08-2008, 03:02 AM
|
رقم المشاركة : 2 |
|
.. عضو فعال ..
|
تابع القصه
ايمان كانت في غرفتها حاطه على أغنيه في تلفزيون وتحاول تقلد رقصهم دخلت عليها سميه وتمت تضحك على ايمان سميه:ايه انتي شو تسوين ايمان:ما تشوفيني اقلدهم سميه:ليش انزين انتي تعرفين ترقصين حتى امي تقول انج كنتي ترقصين في بطنها ايمان بسخريه:ها ها not funny سميه:اعرف انزين ما بتنزلين قوم خالتي هنا ايمان:منو منهم ااذا ام كشه قوليهم راقده سميه ضربتها على كتفها:شو ام كشه اسمها شيخه وبعد مو هي اللي يايه خالوا عواطف ورغد معاها ايمان:يا سلااام عيل اليوم بنطلع سميه:ناسيه الاخت انه عندها اخو اسمه مطر ايمان تفتح خزانتها:انتي اللي ناسيه انه مطر يوم يشوف رغد ينسى كل شيء سميه:قصدج يعني يحبها مستحيل انتي وايد تحلمين ايمان:شوفي احداث اليوم غيري اسمي اذا طلعت غلطانه سميه:بسميج عبله اوكي ايمان:اوكي طلعي ألحين خليني اتبدل طلعت سميه من غرفتها وايمان بعد طلعت ليها جلابيه والحبيبه بعد مجهزة ليها تنوره قميص لانها عارفه انهم بيطلعون اليوم لبست جلابيتها وقبل لاتنزل اصرت ايمان دام انها اهلها هيه تشرح ليكم عنهم نـ ــبدأ خالتي عواطف من فجيره يعجبني فيها اسلوبها انها معتمده على نفسها يعني لو تبى شيء ما تتريا من حد مثلا اليوم هيه بنفسها ساقت السياره ويت عندنا مع بنتها رغد اسميها نقطه ضعف مطر هي من عمري وتخرجت معاي وتقول انها بتكمل دراستها وعندها اخوتين وهم خالد وسالم توأم وعمرهم 25 خالد وايد قاص على عمره اما سالم حبوب والكل يحبه وعلى فكره مو متزوجين وأخليكم مع كاتبت القصه اهلين .. نزلت ايمان للصاله باست خالتها عواطف..وخالتها مستغربه ليش ايمان لابسه نظاره شمسيه عواطف:ايمان ليش لابسه نظاره عسى ماشر ايمان تبتسم:الشر يخاف مني اصلا هههه لابسه نظاره لانه نوركم يضرب على العين عواطف ضحكت من خاطرها وصدت لأختها:فوزيه دخيلج اعترفي انتي شو سويتي يوم كانت هاي في بطنج ايمان:كانت تشوف افلام كوميديا وتاكل فشار ويوم يطيح في بطنها كنت آكل واطالع معااها الفلم الكل تم يضحك رغد:ايمان بس حرااام عليج ذبحتينا سميه:بذ متكم هاي صج متخرجه من ثانويه ايمان:بس انتي تبيني اكون مثلج .. حبيبتي الحياه مره ولازم نعيشها قد ما نقدر رغد:خلينا من فلسفتج وتعالي قعدي حذالي فوزيه:عيل وين سالم وخالد ليش ما يبتيهم معاااج عواطف:تعرفين عاد يوم صغار نقدر نسحبهم معانا بس الحين وين؟؟ كبروا وما نقدر عليهم فوزيه:صدقتي والله عندج مطر دووومه معصب رغد:الا اخبار مطر ايمان تضرب سميه بكتفها:شو بكون اخباره يعني دووومه محترق حتى الفحم يبرد لكن هذا خليني ساكته احسن سميه:فضحتي وخلاص ايمان:ما علي منج اقول رغد رحتي امارات مووول رغد:لا بس يمدحونه صح ايمان:هيه بس منو اللي بقوول لمطر لازم ناخذ موافقته سميه:ومنو هاي اللي تبى تموت وترمسه ايمان:رغد رغد:انا ..لا لا ما اقدر ايمان:رغد لاتدلعين اذا طلبتي ما بيردج رغد:بل ملقوفه انزين اتصلي فيه ايمان:اماي وين تلفونج فوزيه:ليش ايمان:بنتصل لمطر فوزيه:هاي البنت تموت في شيء اسمه مشااكل تأففت ايمان:اماي عطيني فرت عليها فوزيه التلفون واتصلت لاخوها مطر :ألو ايمان اول ما سمعت صوته فرت السماعه لرغد مطر:ألو رغد خافت وفرت السماعه عند امها عواطف ما عرفت شو تقول وكلهم يأشرون عليها انها تتكلم عواطف:هلا والله مطر بجديه:شو هالعبط بعد خليني اوصل البيت وبداويج بنفسي عواطف عصبت:شو هالكلام يا مطر جذا ترمس مع خالتك مطر تقفط:او اسمحي لي والله عبالي ايمان تعرفين حركاتها عواطف:يالله ما قدرت تميز صوتي مطر:حقج علي اخباااركم واخبار اهل الفجيره عواطف:الحمدلله كل شيء تمام والجو محلي الوضع انته اخبااارك مطر:والله يا خالوا الشغل متعبني عواطف:لا اتعب نفسك وايد ما زين بعدك شباب لا تخلي الشغل يشغلك والبنات يأشرون عليها تقوله لكنها ما تعرف شو السالفه راحت ايمان قرب أذنها وخبرتها شو تقول عواطف:انزين يا ولدي البنات يبون يرحون مول الامارات مطر:قوليهم ماشيء طلعه عواطف:حرااام عليك رغد واخواتك خاطرهم يرحووون من سمع اسم رغد اعتفس وما عرف شو يقول:خلاص انزين بس قوليهم ما يتأخروون عواطف:ما تقصر يالله مع السلامه بعد ما سكرت عنه تنفست:ها ارتحتوا يالله روحوا تجهزوا ولا تتأخرون عن يسويلكم سالفه ايمان حضنت خالتها:تسلمين يا احلى خاله اماي تعلمي شيء من اختج فوزيه فرت عليها علبة كلينكس ركضت ايمان لغرفتها لبست تنوره قميص وحطت بودره على خفيف شلت عباتها وراحت لغرفة سميه ايمان:ويدي بعدكم ما خلصتوا رغد:انتي خلصتي ايمان:ما تشوفين شاله عباتي رغد:صاااروخ ما شاءالله عليج سميه:ايمان ما تحب تتكشخ وايد ايمان:احب اكون على طبيعتي انزين يالله ترى عادي اسويها اخليكم واروح عنكم رغد:ومطر ايمان:ما يهمني شو بسوي يعني سميه:رغد خلصي هاي الخبلة توقعي منها اي شيء..راحت سميه تلبس عباتها ونفس شيء رغد نزلوا وأولهم ايمان سابقة الكل راحت عند امها:اماي عطينا فلوس طلعت فوزيه من بوكها وعطتها ايمان:بس 2000 درهم شو يكفي هذا فوزيه:شو؟اقول روحي عني قبل لا آخذ عنج 2000 بعد سميه:ألحين تبين تقولين ان 2000 ما بكفينا ايمان:لا حبيبتي انا ناويه اشتري كل شيء من زمان ما طلعت وبطلع حرتي اليوم وعلى فكره هالـ2000 حقي انا وبس سميه:اماي سمعيها شو تقول فوزيه حطت يدها على راسها:ايمان لا تتدلعين تقاسمي مع اختج ايمان:شو اتقاسم اقولج 2000 ما يكفي وبعد تبيني اتقاسم معاها ويصير عندي 1000 مستحيل طلعت فوزيه من بوكها 2000 وعطت سميه ايمان:ألحين يسمونه عدل صح خالوا عواطف:صحيح..وباستها على خدها طلعوا وخلوا السايق يوصلهم فوزيه:الله يعيني على هالبنت عواطف:حرااام عليج ايمان حبوبه وصلوا البنات مول الامارات نخليهم يتسوقوون نتقل لنواف طلعوا من ابن بطوطه وراحوا امارات مول نواف:حسون حسن:شو نواف:حويسن حسن:انزين شو نواف:حس حس حسن:روح عني لاه نواف:ههههاي اونك عصبت حسن:عيل انا متضايق وانته تزيدني نواف:افا ليش الاخ متضايق حسن:عيل محد عبرنا اليوم وما لقينا حد نفر عليه الرقم نواف ضحك:ارمس عن نفسك لا ادخلني معاك انته تعرف البنات يركضون وراي مو انا اللي اركض وراهم حسن:روح عني لا مو منك فايده نواف:انزين اذا غيرت رايك حسن:كيف نواف:شوف جدامك هالثلاث بنات اللي في نص تهبل قصده سميه حسن بلهف:وين وين نواف:جدامك يا العمي حسن:هيه والله تهبل يالله قوم خلنا نروح عندهم نواف:روح انته انا تعبان ومثل ما تعرف البنات قاطعه حسن:هيه هيه حفظنا الموااال نواف:ههههه روح سوى شغلك نواف صح انه ما تحرك لكن كان يراقب ايمان لانها كانت ترمس وترمس وتضحك وتسوي حركات بيدها وغير عن البنتين هيه متحبه ومو حاطه مكياااج شو تتطالعون لا لا وقفوا لا يروح بالكم بعيد انا ما يخصني في العشق والغرام ومثل ما تعرفون بنات وراي مو انا وراهم وبعد انا نواف ولد طرااااخ أوه شو ها..بعدين بسولف معااااكم..يالله كاتبه شوفي شغلج هالصوت مصدره من عند بنات..حسن اول شيء قام يتمدح بسميه و شويه رغد يوم لقى انه ما نفع راح جدامهم وعطا لسميه الرقم سميه ما عرفت شو تسوي لكن ايمان فاجأت بصفعه نواق قام من مكانه وراح لحسن لكن وهو رايح ليه سمع ايمان تهزب حسن:اقطع يدي ااذا عندك اخوات نواف يوم وصل عندهم:اقطعي عيل عنده اخوات ما عرفت ايمان شو ترد عليه سكتت شويه ورجعت تقوله مره ثانيه:يا اخي ليش اعترفت نزل من مستواه اكثر عنده اخوات ويسوي جذا حسن:يا اختي انتي ليش محتره عشان ما عبرتج مو من حلاتج يعني نواف طلب من حسن يسكت لكن ايمان ردت صفعته مره ثانيه عصب حسن لكن نواف مسكه وتم يطالع ايمان بنظرات سخريه:انتي عندج الصفعه لعبه ولا عشان قال صج صفعتي في خاطره:شو قلت انا بس تستااااهل ايمان:استريح اخوي انا مو صفعت الا عشان يعرف كيف يرمس اصلا البنت محترمه سوا كانت ملكه جمال ولا خسفه ما ترضى ترخص نفسها لأمثالكم يا رخيصين سميه مسكت بيد ايمان وسحبتها عن يستوي شيء لانها عارفه انه اللي قالته مو شويه ايمان:هديني اقوولج خليني ادب هالاشكال رغد:بس ايمان فضحتينا الحمدلله انه ولا مواطن موجود ولا سوتينا سالفه ايمان:كان بكون احسن على الاقل بيضربونهم دخلوا الحمام ايمان:انزين هديني مب شارده سميه هدت يدها:ما يحتاج تكبرين السالفه ايمان:هيه وأخليهم في حالهم لا حبيبتي اذا انتي ضعيفه فأنا لا.. انزين انتوا ألحين ليش داشين الحمام رغد:بعدل مكياجي سميه:شو تعدلين انتي بعد ألحين بنروح البيت ايمان:تبين روحي لكن انا ورغد بنروح نكمل تسوقنا سميه:من صجكم بعد اللي صار بتكملون رغد:هيه ليش نخرب طلعتنا عشانهم صفقت ايمان:تعجبيني بنت الخاله سميه تنهدت:الله يعيني طلعن من الحماااام وراحن يكمل التسوق ماشاءالله ايمان يمكن مرتين رجعت لسيارتهم عشان تحطي الاغراض وترد مره ثانيه تكمل بس هالمره طلبت منهم يتريونها في المطعم.. ايمان:وينهم ما قالوا لي اي مطعم بيقعدون لقت حد من بعيد يأشر عليهم ايمان:هيه هاي رغد راحت ليهم وطلبن ليهم وجبه ايمان لاحظت انه سميه وقفت عن الاكل سألتها:ليش ما تاكلين سميه:بس شبعت ايمان:لا تقصين علي شوفي رغد الدبه كيف تاكل رغد:بسم الله علي دبه محد غيرج سميه كانت تشوف شخصين اللي قاعدين ورا طاولتهم وبذات وراء اختها..ايمان كانت تضاحك مع رغد ولاحظت اختها تتطالع مكان ثاني صدت لورا ايمان:وانا اقول شو السبب سميه:شو تقولين انتي ايمان:منعجبه بواحد منهم سميه:لا حشى شو تقولين ايمان:عيل مستحيه تاكلين جدامهم سكتت سميه ايمان:صج ما عندج سالفه كملي اكلج عن اروح ليهم واقولهم يغيرون مكانهم عاد انتي تخيلي الفضيحه اللي بتستوي سميه:دخيلج لا تسوين شيء ها قاعده آكل ايمان:عفيا عليج سمعي الكلام باحترام مو لازم استخدم اسلوب التهديد معاااج نواف:بلاك ساااكت حسن: بعد الكلام اللي قالته لينا البنت شو تتوقع رده فعلي يعني نواف:يعني بتووووب حسن:افكر يا اخي نواف:احلى نكة سمعته حسن:يا اخي انته ما تشجع نواف:هههه بالتوفيق يا اخوي حسن..بلاك سكت حسن:البنات وراك يالسين نواف:اشعليك منهم حسن:لازم اروح اشكرها لانها سبب هدايتي نواف:ههه وين تبى اول شيء اهدى وتوب بعدين روح اشكرها حسن:بعدين وين بلقاها نواف:يا بوي اقعد مكانك شكلها مولعه هاي واذا رحت كلمتها عادي تفسر شيء ثاني وتعطيك صفعه الثالثه ههههاي صج بكون رقم قيااااسي حسن حط يده على خده:صدقت مولعه وحاره بعد نواف:انسى السالفه ويالله كمل أكلك رغد:يالله نرجع البيت تاخرنا الصراحه ايمان:صدقتي قامن البنات بعد ما دفعن الفاتوره حسن يضرب على يد نواف:نواف نواف قاموا نواف:بلاك انزين خلهم يقومن نحن اشعلينا منهم حسن:اقولك بروح اعتذر ليها نواف:من صجك انته حسن:انا رايح وما علي منك نواف:بروح معاك عشان يوم يضربونك امسكك تحرك حسن ولحقه نواف وهم يلاحقونهم نواف قال لي حسن:حسون بس اعتذر واطول معاها السالفه حسن:اعرف حسن من بعيد:لو سمحتي اختي سميه:كاني سمعت حد ينادينا رغد:تتخيلين وايد مقتنعه سميه انها سمعت شيء وسمعت الصوت مره ثانيه فألتفت للوراء لقت نفس الولد يأشر عليها سميه فضلت انها ما تقول شيء لأختها عن تسوي مشاكل حسن استغرب انه البنت جاهلته نواف:يا ابوي خلنا نرجع حسن تجاهل كلامه وسرع في مشيته وبصوت عالي:لو سمحتوا يا البنااات وقفت ايمان:هيه صح كأنه حد ينادينا سميه بتوتر:لا لا محد لا تصدين وراج ايمان باستغراب:وراي صدت وراها لقت نفس الشبابين وبعد واحد منهم يأشر عليها رغد:شو يبون ايمان:نتريا ونشوف سميه:انا من راي نتحرك ايمان:انزين تحركي وسميه:وانتوا رغد:في مكانا نواف:حسون انته روح وانا بترياااك منه حسن:انزين راح حسن للبنات سكت وماعرف شو يقول ايمان:حوو اخوي بغيت شيء حسن:ممم انا الصراحه يعني بغيت اقول الصراحه رغد:الصراحه راحه انته ما بتعرفش.... ضحكت ايمان وضربتها على كتفها وردت للجديه:نعم اخوي اختصر وقول ترى نحن ناس مشغووولين حسن:اوكي انا بغيت اعتذر على تصرفي وبصراحه صحتيني من غفلتي واشكرج نواف من بعيد:من شكلها ألحين بتعطي الثالثه ايمان:ايوا عادي اخوي حصل خير ومسموح المهم حسيت بغلطتك يالله ألحين اسمحنا حسن:مشكوره وفي حفظ الله تحركوا البنات وتقرب منه نواف:ها ارتحت حسن:ارتحت وايد ..سكت وبسرعه قال:تعال نلحقهم نقع نواف من الضحك على كلامه حسن معصب:بلااااك تضحك نواف يحاول يمسك نفسه:يوم اقول انك مستحيل اتوب حسن:لا انته فاهني غلط ابغي اعرف وين بيتهم يمكن اروح اخطب وحده منهم نواف:هيه عذر حلو حسن:انا رايح اذا تبى ألحقني نواف:ألحقك واشوف آخرتها معااااك |
|
|
|
|
15-08-2008, 03:03 AM
|
رقم المشاركة : 3 |
|
.. عضو فعال ..
|
بحط باقي القصه لو كان مافي رد يمكن وعسى حد يعجبه القصه في سيارة البنات رغد: مسكين سميه:بعد التصفيع اللي عطته ايمان وين ما بيصطلب ايمان:ما عليج منهم تشوفين ألحين تاب وبعدين برجع لحالته..بس مقهوره من ربيعه اللي معاه ما فكر حتى يعتذر رغد:شكله خقااااق بس يهبل ايمان:ما اشوف في شيء السايق:ايمااان في سياره يلحق نحن ايمان:وين؟ السايق:هذا سياره لون ازرق ايمان:انزين سايق خطه بي السايق:اوكي هااااي رجعت ليكم مره ثانيه..ايه انا ايمان رجعت ليكم عشااان افسر لكم الخطط بس ما تخبرون حد خطه إيه:نخدهم ونغير مسار الطريق خطه بي:نوقف اي بيت وننزل واللي يلاحقنا بحيسب بيتنا وتخيلوا كم مره بطوف على الفريج يتريا ههه فهمتوا يالله ارجعوا للكاتبه نفذ السايق خطه بي ووقفوا صوب بيت شكله مهجور ايمان:بعدهم واقفين السايق:هيه نواف:يالله روح خلاص عرفنا وين بيتهم حسن:يا اخي شكلهم فقاره بس ما يبين عليهم نواف:المظاهر تلعب الدور حسن:انزين ليش ما ينزلون نواف:يمكن عندهم شيء يالله تحرك حسن:اوكي تحرك سيارتهم اللي كانت واقفه من بعيد.. السايق:تحركوا ايمان:اصبر لا تتحرك ألحين وقفوا دقايق وبعدين قالت للساي |
