تغيرنـا ولا نـدري مـن اللـي غيـر أطباعـه ..

تغيرنـا ولا نـدري مـن اللـي غيـر أطباعـه
ياقلبي قول لاتسكت وش اللي جابنـا أغـراب؟


سألتـك ليـه تتنـهـد بـصـدرك آه ملتـاعـه
تصب الملح من عينك تناثر دمعـك المرتـاب؟


جنوني واللـذي خلـد غـلاك بخافقـي راعـه
سكوتك يكسر ضلوعي وفيني مابقـت أعصـاب


أبعرف بس مـن يقـدر يكـدر خاطـرك ساعـه
أبعرف بس من غيري يفتح في هـواك أبـواب


تنهـد وألتفـت يمـي وقـال بـروح فـزاعـه
حبيبي يا بعد عمري أحبك ( والهوى غـلاب )


هواك بمهجتي أقـرب مـن الخفـاق لأضلاعـه
وهذا شلون لا تسأل سألت ولا لقيـت أسبـاب


أحبك / كثر ما أكـره فراقـك وأشـرب أوجاعـه
أحبك / كثر ماتسهـر عيـونٍ تنتظـر أحبـاب


أحبك / كثـر مايحلـم فقيـر يعـدل أوضاعـه
أحبك / كثر مايندم غشيـم بعشـرة الأصحـاب


أحبك / كثـر ماغنـى عبـادي للهوى وداعـه
( على آخر تراب الأرض ) أحسك بالوصل كذاب


لأنـه صـار مـا كنـا نخافـه والهـوى طاعـه
فراقـك حـلّ ياعمـري ولازم نبتعـد أغـراب


مـــــــنــــقــــولــــ ..