(`'•.¸§(ورده . وكفن )§ ¸.•')

الثمان اللي وفن لك واكملن × × × ان بغيت الراي حذرا لاتطول

اغنم الساعات من عمر الزمن × × × اترك اللي فات والدنيا قبول

كم تحسفنا على ايامن مظن × × × مالقينا للحسافات محصول

اترك المجمول والوجه الحسن × × × لين راح الوقت باقي ومعقول

كم من اعمار النشاما قد غدن × × × وكم فقيد من صناديد فحول

صاحبي خل الملامه والحزن × × × واترك افكار على بالك تجول

من مظى يكسى على جنبه كفن × × × ومن رحل ذكراه ليلين وتزول


وتقبل تحياتي واعتذاري على الرد

ولاكن عذري اعجابي بكلماتك ورغبتي في محاكاتها

وامل ان تصل لمستوى ذائقتك

اخوك باري القوس