قـــالــوا حــــبــيــبـــــك ..!

قالوا حبيبك يسمع الشعر قلت إيه
يقراه بعيوني قبل تسمعونه


لولاه حتى طاري الشعر مابيه
مير أكتبه من شان خاطر عيونه


أكتب بغيره والقصايد تجي فيه
كن القصايد حالفه ماتخونه


هذاك لامنه زعل قمت اهاديه
حتى وهو مخطي تعذرت دونه


يمكن لو انه يلمس الجرح بيديه
يستغرب أن اللي لمسها طعونه


أبطي وهو غايب وزلة حراويه
وأنا من العام أتحرى مزونه


هو مادرى أني في غيابه محاتيه
ليته نشد عن حالي اللي يجونه


عجزت أرده كن ماني براعيه
يوم أنتثر شوقه وهاضت شجونه


خافوا من الله لا تجيبون طاريه
لا صرت أنا موجود لا تذكرونه


لو كل غالي جابه الله لغاليه
ماشفت لك مخلوق تبكي عيونه



مــــــنــــــقـــــولـــ