ياقوّ قلبك كيف هذا جزايا

مليت من دمح الزّلل والخطايا= والحِمْل ماعاده شديدٍ وصابر
ياقوّ قلبك كيف هذا جزايا= تقطع مع المعلوق جذْرٍ ودابر
هدّيت حيلي يوم سقت العطايا= وخيّبت ظنّي ياسليل الاكابر
انهيتني واصبحت مالي سمايا= خلاص عود العُود ماهو بجابر
عودي فتات وصار صلبي شظايا= حسيبك الله بالقساوه مثابر
كنت احسب انّك وافيٍ بالمزايا= وكنت احسبك ليّن ولاانته مكابر
والظّنّ بك عندي يفوق البرايا= وظنّيتك بطيبي تهزّ المنابر
واثري ظنوني حيّبتْها النوايا= من يوم بيّن لي كلام المحابر
عرفت فحوى كلّ سرّ وخبايا= يوم المعزّه سقتها للمقابر
هذي مشاعر من عديم الرّدايا= خطّه لظرْفٍ وانت الاعْلم وخابر
في واديٍ والوقت حزّة مسايا= خذْها وللمضمون دوّر معابر
(( ناخت عزوم الطيب ماتت سجايا= والحاضر افناه القهر .. صار غابر ))

للــــــــــــــــه درك

وللـــــــــــــــه درك

وللـــــــــــــه درك


روعه

روعه

شاعر / شاعر والله إنك متشبع شعر

بيض الله وجهك

وصح لسانك على هالرائعه

لاهان راسك يالعز