~..~ منـ الضيقهـ ..ابي .. أبكي ~..~

♥majed-20♥ · 19-11-2008, 05:02 AM

..**..

أبي ابكي من الضيقة وابعزف للهمـوم ألحـان
أبي اطلق مواويل الحـزن واطـرح دواوينـي

أبي أشكي أبي احكي ابوصف للبشـر حرمـان
أبيهم كلهـم يـدرون أبيهـم يشعـروا فينـي

أبي لا من طرى اسمي بكى من لوعتي شيبـان
أبي لامن طرى"عاشق" ذكر من كـان يغلينـي

أبيهم يذكرون أنـي بدمعـي صرتنـا غرقـان
أبيهـم يعرفـون الهـم هوّاللـي يخاويـنـي

أبي أصرخ وأبلغهم وأقول أن الفـرح خـوّان
يجي مرة معاي و هو بطـول العمـر ناسينـي

أبي اترك لهم قصة وأخيّرهـم علـى العنـوان
يسمّوا "حزن "يحطوا "دمع"أنا ما عـاد يعنينـي

أبي لامن وصل صوتي يحس بضيقتي إنسـان
أبي لامن نزف جرحي لقيـت اللـي يداوينـي

أبي شخص يجي يمـي و يقفـل للعنـا بيبـان
أبيه يكون لي خـلٍ علـى حزنـي يواسينـي

أبيه لمركبي مرسى وأبيـه لغربتـي أوطـان
أبي لامن ذرفـت الدمـع جي يمي يعزّينـي

أنا ما أبيه يصبح ضلع أبيه يكون لـي ضلعـان
أبي لا من مشيت وطحت حط يديه في يدينـي

إلامن خانني التعبير أبيـه يكـون لـي لسـان
أبي لامن سكتْ ألقاه .يفهم مـن نظـر عينـي

أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي

أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي

أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي

..**..

منقول..

فجر المحبه · 19-11-2008, 05:12 AM

إلامن خانني التعبير أبيـه يكـون لـي لسـان
أبي لامن سكتْ ألقاه .يفهم مـن نظـر عينـي
أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي

صح لسانك اخوي (ماجد)
قصيده بمنتهى العذووبه رائعه جدا..
قصيده رائعه جزله كلمات معبره ..
تحياتي لك

أبي لا من تعبت وضقت لمّ الروح بالأحضـان
أبيه يكون لـي كتـاب إذا ضاعـت عناوينـي

& هواها خليجي & · 19-11-2008, 05:54 AM

أبي واحد ويسكن بي وابطرد لأجلـه السكّـان
أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان
أبـي أهديـه باقـة ورد ..مسقيهـا شرايينـي

قصيده محزنه ومعبر

يسلم يمناك يالغلا

على القصيده