*]+[* طــبــع الـبــداوه *]+[*

*]+[* طــبــع الـبــداوه *]+[*

الـحـب
بالطبع تختلف درجاته من شخص لشخص آخر
ولكن ..
عندما يقع ابن الباديه في شباك الحب
ويقع تحت رحمة الحب وإذلال الحب
فهل من المعقول بأن يتنازل عن كرامته لذلك الحب ؟؟
وهل من المعقول ان يتنازل عن غرور الباديه وشموخها ؟؟




فإليكم القصيده ..
***
***

يوم دارت بي الليالي وعوّدت ماانصفتنـي
قلت يادرب المحبّـه مالنـا ملـزوم فيـك

**
**
كان دمعات السحاب اللي لفتنـي ماروتنـي
قلت مالك ياولد وحسوفـة(ن) مـدة يديـك

**
**
مالنا غيـر الكرامـه والكرامـه لانتختنـي
لا ذكرنا قلب هذي ولا ذكرنا عشـق ذيـك


**
**
كان قدرك فوق راسي كنتي انتي عاجبتنـي
كنت اقول انتي الوليفه وانتي لقلبي شريـك

**
**
لكن علوم البداوه ساكنتنـي مـا نستنـي
ومن نوى مسّ الكرامه نسفته ما تحتريـك

**
**
يحمد الله من عرفني وتحمد الله من لقتنـي
واحمدي الله لو بيوم(ن) دست باقدامي عليك

**
**
اعترف إنّـي خطيت..والليالـي عذربتنـي
واعترف إنّي قضيت بعـزّة(ن) ماترتجيـك


**
**
البداوه تاج راسـي وانتـي والله عارفتنـي
ان نويت اكسر شموخك والله إنّي لاحتويـك

**
**
ان تكلّمنـا وصلنـا وإن سكتنـا عاتبتنـي
لعنبو حب(ن) تعرفه ولعنبو قلب(ن) يبيـك

**
**
الكرامـه يالكرامـه والكرامـه فاتنتـنـي
ويالغرور اللي كساني بكلّ عمـري افتديـك

**
**
هذا هو طبع البـداوه والبـداوه عاشقتنـي
اعتلى طبع الزوايد طبع(ن) امحق مبتليـك

**
**
اذكري يوم(ن) لقيتك كنتي انتـي رافعتنـي
ارتفع قـدرك بعينـي قلتـي ودّي التقيـك

**
**

وهذا هو طبع الليالـي والليالـي حيّرتنـي
ابتلاني قلب هذي وابتلانـي عشـق ذيـك

**
**
لكن علوم البـداوه انتختنـي مـا نستنـي
قلت يادرب المحبّـه مالنـا ملـزوم فيـك

**
**
وكل دمعه من سحابه قد لفتني وما روتنـي
والله اني مارتجيها ولعنبو قلـب(ن) يبيـك

**

ابيات اعجبتني وحبيت انقلها لكم واتمنى من كل قلبي ان تعجبكم