خذاني طيفك البارح /... على ( حلمٍ بلا تفسير )

الزعيـــــم · 29-11-2008, 12:13 AM

السلام عليكم ورحمة الله وبركاته ...

لمن يعشق الشعر .. ومن يتذوقـه بـ صدق ...

قصيده أتمنى أن تروق لذائقتكم كما نالت إعجابي. ...

//

عبث والليل ينسج من تباريح السهر /.. تعبير !
............ وانا ماكني الا سطر فاضي /..... وإنته القرطاس !

خذاني طيفك البارح /... على ( حلمٍ بلا تفسير )
بقت بعض السوالف والعيون بحضنها /.... جلاّس

أحبك تعني إنت اللي مبروزني بلا /..... تصوير
أحبك /..... تعني إن الحب شوك وصدّك الغرّاس !

تجي نلبس غيوم ونفتّرش أحلامنا /...... ونطير
يكون إفراقنا خلف الشفق /.... ونداعب النسناس

لك الله من رحلت وكل شي فيني صحى /... بكيّر
دخليك طف بُعدك /.... وجه شوقي مالفاه إنعاس

وحيد /..... إتهزني ريح إنتظاري وأنثنى التفكير
قبل لاينكسر غصن المشاعر إنكسر بي /... ناس

أصحّي ضيقتي وألبس ملامح صدمتي /.. وآسير
على قاع الشقا /..... تلفحني العبره وانا حساس

ترفرف /.. عالي إمتوني ملامه والضلوع إتحير !
يوسوس لي عن ايامي بدونك /... بالحشا خنّاس

يبلل ذابل أطرافي سكون وحيره /....... وتأثير !
وأدور في شفاهي /. عن شفاه اليا حكت نبراس

متى كان الفرح يضوي دجى ليلي ( وحظي زير !
تعثر من على صهوة جواده / وإنكسر به ساس )

خذتك اللامبالاةُ وسهرت إجمع لك /...... التبرير
سرى وقتي /... وانا في داخلي حيره بليا راس

تعبت آستنشق ايامي بدونك /..... وأمتلي تخدير
آحسب /.... إليا تخدر كل مافيني يطيب الباس !

وانا كم قلت لك صدري حديقه وإختلاجي / بير !
نويت أزرع بها حلمي ولكن شف نبت لي فاس !

نثرت لشوفتك بعض الأماني وازهرت /..... نوّير
تصدق /..... ماهقيت اللي نثرته بالجفا ينداس !

خنقني كف حزني وأرتفع صمتي امام /.... الغير
وسال إمن العيون /. أسراب جرح وآه ماتنقاس

صحيح إني أجوعك بس طبعي أكره /.... التبذير
تعال /.. وهات لي كاسة حنين وكسرتين انفاس

عشاني أوقد شموع التلاقي وإخمد /... التأخير
حزينه ساعتي /.. نامت على كوع الرجا والياس

انا فرصه /.. على درب العنا ضاعت من التقصير
وانا جملة حزن فاحت مآسي وإختنق /.. كرّاس

خذاني : عاشقٍ يقرع شعوره /..... للوفا سِكّير !
رماني شاعرٍ/.. خالط حروفه ثلج وسط الكاس

يطيح الشوف من محجر عيونه مالقى له /.. طير
تسلق به شحوب /.. ومد كفّه يقطف الـ لاباس

وش اقسى من يضم الخوف يدّه والحروف إتغير !
تشوفه يعجن اوهامه طفل /.. لعبوبته وسواس

أبد ماهو خطاه إنه دفن ضيمه /....... وقال بخير
خطاه إنه /. رضى يسقيك حِبه والعروق إيباس
.
.
أطيب الأمنيات

وجـــــد عنيــزه · 29-11-2008, 12:21 AM

الزعيم

نقل من ذهب والله

اعجبتني بالمره

صح لسان شاعرها

ولاهنت

الأميرة الناعمة · 29-11-2008, 12:57 AM

فـــــــي قمه الروعـــــه
سلمت ع الأختيار الرائع

حضووور طااااغي · 29-11-2008, 03:06 AM

وعليكم السلام ورحمة الله وبركاته
الله على كذا اختيار حاولت انتقي منها الاجمل لقيتها كلها اجمل واجمل </p>
انتقاء لا تجيده سوى ذائقة تتنفس الشعر تقديري</p></p>

لــالغلاــك · 29-11-2008, 03:25 AM

الـــزعــيـــم

صــح لسانك

ولسان شاعرها

ولاهــنــت

يعطيك الف عافيه

فجر المحبه · 29-11-2008, 06:48 AM

((الزعــــــــــــيم))
سلمت لنا اناملك على النقل..
ذائقه جدا متفرده ..
قصيده نالت اعجابي واحترت بين ابياتها ..
حين أردت الأقتباس منها..
تقبل مرور وشكري..

أختك..
..فجر المحبه..

الزعيـــــم · 29-11-2008, 10:47 PM

كل الشكر لكم على إطرائكم وتواجدكم الذي عطر متصفحي..

أطيب الأمنيات

حلا الكون · 30-11-2008, 07:39 PM

الله الله عليك زعيم الابداااع
قصيـده حييييييييييييييييييييييل رااائعه
يعطيك العافيه يالغلاا

::شموخ عزي:: · 30-11-2008, 08:20 PM

ابدااااااااااع ...
قمة الذووق وربـي

يعطيك العافيه زعيمنا ^_^

مجازف · 30-11-2008, 10:11 PM

الزعيم

سلمت يمينك التي نقلت لنا اجمل الحروف والكلمات

تمتلك ذايقه شعريه رائعه

ترجمتها لنا هذه الدره الجميله

تقبل مروري المتواضع

احترامي وتقديري لك

خذاني طيفك البارح /... على ( حلمٍ بلا تفسير )

حَرفُ القِصَيد