كـل البشر في الاتصالات يخطون

مساكم الله بالخير

وحي الله من عطر صفحتى بريح طيفه

اقدم لكم قصيده

... لها موقف جميل

وأكيد فيه احد منكم مر بنفس

..... الموقف
والقصيده منقوله..........


واتمنى ان تنال اعجابكم



كل البشر في الاتصالات يخطون
يخطون واخطى..عذرنا هاتف فلان ؟؟
ومن عادتي ماهتم باللي يقولون
من غلط في رقمي ..لقى الرد غلطان
الين جاء يــوم..دق التلفون
شفت الرقم .. لقيته اشكال والوان
فتحت جوالي ابعرف من يكون
سمعت صوتٍ فيه بحه وفتان
قالت لي : أنت سعود ؟
قلت : ايــه بالعــوون
لعيونك..اسمي سعود لو كان ضيدان..
قالت : اتظني مخطئه.. قلت : وشلون ؟؟
قلبي توقف مانبض فيه شريان
بالهون يابنت الاجاويد بالهون
من عادة الانسان يرتاح لأنسان
تسمّعي يا بنت وابليس ملعون
اخذي كلامٍ مصدره صدق وجدان
ماني بقايل لك : أنا انسان مزيون
اطرق ولاله شبيه في الانس والجان
انا محمد .. وافي الهرج موزون..
اوزن كلامي .. قبل اقوله بميزان
وانا الذي حب..لايمكن يخون
مخلص مدامه حي..ويموت ماخان
وانا اذا حبيت..حبيت بجنون
حبي يفجر داخلي الف بركان
وانا الذي ماطرد ورى من يقفون
من صد عني عمد..بجازيه حقران
هاذي وصوفي..واكثر الناس يشرون
وانتى عليك اليوم تقدير الاثمان..
قالت : اشوفك قمت يا محمد تمون
تضحك وضحكتها تقاسيم فنان..
قلت : الميانه..ماهي بضحكه سنون
احيان..ماتلقينها بين الاخوان
ترى الميانه شي واضح ومضمون
اذا اجتمع شخصين..في قلب ولسان
قالت : كلامكـ وافيٍ يابن خلدون
احيان احس جلستك بين شيبان
يامحمد..اسمع كلمه البنت ميسون
اسلوبك ووقتك .. مضت دونها ازمان
هذا زمن قدواته افلام كرتون
وهذا زمان رجاله اجساد وابدان
قالت : وغنت لي على وقتى لحون
قلت : اسكتي من بعد ماخاطري شان
انا ادري ان الوقت.. من دون في دون
لكن فمان الله وانسي اللذي كان
قلتــــه..وانا جازم..وهي عندها آآذون
لكنها ماصدقت سمع الآذان
ضاقت وخلق الله دايم يضيقون
وانا قفلت الخط..ضايق وزعلان
ونسيت .. والاجواد في الوقت ينسون
ماسمي الانسان الا بنسيان
المشكله..بنــات حواء مايسلوون
دقت وانا لها شبه شفقان
قبل آآتكلم..قالت : اسمع ولاتهون
اسمي مو ميسون..حان الصدق حان
الاسم عمشاء..وآخر الجد مصيون
مهره ولاطوعت بلجام وعنان
قلت : هلابكـ مليون تضرب بمليون
اقولها مليون من قلب ولسان
قلت : هلابكـ في العين..ولحافك جفون
وظلالكـ من الشمس بأهداب الاعيان
..حرٍ بالمطاليع..مفتـــون
..حرٍ شراه..مولّع بالصيد طربــان
.